Buraxılış imtahanları yalnız şagirdin fənn biliklərini ölçmür, eyni zamanda ölkənin təhsil göstəricilərinə, məktəb reytinqlərinə və sistemdəki ümumi vəziyyətə güzgü tutur.
9-cu sinif səviyyəsində keçirilən bu imtahanlar az diqqət görsə də, bu imtahanın arxa planında çox mühüm funksiyalar dayanır.9 illik orta təhsil səviyyəsi üzrə aprelin 27 -də keçirilən buraxılış imtahanının nəticələri elan olunanda yüksək bal toplamış şagirdlə ünsiyyətdə olub imtahan haqqında təəssüratlarını öyrənmək istəyirdim. Bir az axtarış etdim və imtahanda yüksək nəticə göstərən şagirdlərdən biri olan Kamil Əyyubov adına 12 nömrəli tam orta məktəbin 9cu sinif şagirdi Sultanzadə Leyla Tahir qızı ilə həm söhbət olmaq arzusunda oldum, bu şərəfə nail oldum.
İlk sualım bu idi ki, həyacanınız çox idi, bu imtahan zamanı?
Leyla Sultanzadə “İmtahanın bütün həyəcanı imtahan vərəqi gələnə qədərdir. Sualları görəndən sonra həyəcan unudulur”.
Leyla qızımız 300 baldan 295.1 bal yığıb. İtirdiyi balın Azərbaycan dilindən olduğunu deyir: “Bir az diqqətsizlik etdim”. İmtahanın nəticəsi də gözlədiyi kimi yüksək səviyyədə olub.
295.1 balı görüb çox sevindim, özümə inamım artdı. İstəsəm daha yaxşı nəticə göstərə bilərəm. Qarşıdakı imtahanlara hazırlaşanda bu, mənim üçün böyük stimul olacaq. Bir şagird üçün ən önəmli şey özünə inam və iradəli olmaqdır. Bir də çalışmaq. Ailəmin nəticələrimə sevinməyi mənim üçün əsl dəstəkdir”.
Leyla Sultanzadə imtahan suallarından qəti gileylənmədi. Bildirdi ki,yaxşı nəticə toplamaq zəhmət çəkib oxumaq, çalışmaqla və əzmlə bağlıdır. Məqsəd və hədəfin olmalıdır”.
Leylanın arzusu gələcəkdə yüksək ixtisaslı uzman kardioloq olmaqdır
Vaxt tapdıqca da bədii kitablar oxuyuram. Dərslərlə əlaqədar olaraq bədii ədəbiyyata istədiyim qədər vaxt ayıra bilmirəm.
Mən mənə güvəndikləri üçün valideynlərimə, doğmalarıma, mənə inanan ,güvənən hər kəsə xüsusi təşəkkürümü bildirirəm. İmtahanda aşağı nəticə göstərən şagirdlərə demək istəyirəm ki, istəsələr, daha yaxşı nəticələr əldə edə bilərlər, sadəcə bir az zəhmət lazımdır. Bütün şagirdlərə və məzunlara imtahanlarda uğurlar arzulayıram”.
“Azərbaycan dili, riyaziyyat və xarici dil fənnlərinin hər biri özündə bir çox məzmun xəttlərini əhatə edir. Oxuyub anlama, dinləmə, fəza-müstəvi məzmun xətti və bir çox məzmun xəttləri düşüncə parametrləridir. Burada onlara olan münasibət dəyərləndirilir.
Leyla Sultanzadə son illərdə fənn olimpiadaları və müxtəlif bilik müsabiqələrində əhəmiyyətli uğurlar qazanıb onlardan:
9 il boyunca əlaçılıq
5ci sinifdə Lütfi Zadə adına riyaziyyat və məntiq olimpiadası final mərhələsi
6cı sinif riyaziyyat fənni üzrə RFM final mərhələsi
7ci sinifdə biologiya fənni üzrə RFM-də məktəb üzrə yalnız o final mərhələsinə yüksəlib
8 və 9cu sinifdə biologiya fənni üzrə RFO yarımfinal mərhələsi
9cu sinif buraxılış imtahanında isə yüksək nəticə əldə edib 295.1 bal (Riyaziyyat 100 bal. İngilis dili 100 bal. Az dili 95.1) Xatırladaq ki,heç bir repetitor yanına hazırlığa getməyib Leyla qızımız. Yüksək nəticəni öz zəhməti və gələcək yönümlü düşüncələri ilə qazanmışdır .
Leyla Sultanzadə planlı hazırlığın, intizamın və məqsədyönlülüyün vacibliyini vurğulayır: “Hər gecə növbəti günün dərs planını hazırlayırdım, səhər artıq məqsədim olurdu. Məncə, burada əsas məsələ intizamlı olmaqdır. Bəzən olurdu ki, yazdığım planları çatdıra bilmirdim, gündəlik vaxt bölüşdürmə çətinliyi yaşayırdım, bu məni çox narahat edirdi. Həmçinin sınaq imtahanlarda da vaxt çətinliyi yaşayırdım, amma çoxlu sınaqlar işləyərək bunu aradan qaldırdım. Bəzən telefon çox vaxtımı alırdı, ona görə telefondakı proqramlara vaxt limiti qoymuşdum. Bəzən ruhdan düşürdüm, amma valideynlərim və hədəfim məni daha da əzmkar edirdi. Ailəmin və dostlarımın inamı məni çox motivasiya edirdi. Valideynlərim imtahan nəticəsinin necə olmasından asılı olmayaraq, yanımda olacaqlarını deyirdilər. Motivasiya mənbəyim gələcəyim idi.
İmtahanlara ciddi hazırlaşmağa çalışırdım. Dərs edərkən musiqi dinləmək məni xoşbəxt edirdi.Ailəm hər zaman mənə güvən, inam duyğusunu hiss etdirirdilər. Ən azından uğursuz olsam belə, yanımda onların olacaqlarını bilirdim. Dünyadakı çox insanın məni tanımasını və sevməsini, gələcəkdə məndən bəhs edərkən ali təhsilli bir qız kimi bəhs etmələrini arzulayıram”.
Eləcə də gördüyümüz məktəb mühitindən belə nəticəyə gəlmək olar ki, bu məktəbdə əldə olunan uğurlar təkcə müəllimlərin deyil, valideynlərin və daim öz üzərində çalışan şagirdlərin birgə əməyinin nəticəsidir!
Aygün Məmmədova Jurnalistlər Birliyinin üzvü
