Azərbaycan dünyanın siyasi, iqtisadi və mədəniyyətlər arası dialoq mərkəzlərindən biridir. Tolerant və mehriban birgə yaşama mədəniyyəti baxımından, artıq dünya üçün bir örnəkdir.Tarix boyu hər bir xalqın taleyində silinməz izlər buraxan, öz varlığını millətin rifahı naminə həsr edən mədəni tərəqqisi, sivil dünya birliyinə inteqrasiyası, xalqın maddi və mənəvi rifahının yaxşılaşması naminə ardıcıl fəaliyyəti, eləcə də, Azərbaycan mədəniyyətinin geniş təbliği, tək Azərbaycandakı tarixi abidələrin deyil, digər ölkələrdəki abidələrin də bərpasına yardım edərək, mədəni irsin ,tariximizin unudulmaz izlərini bəşəriyyətin ortaq sərvəti olduğunu göstərmiş,sağlam mənəvi dəyərlərin qorunması, uşaq və gənclərin hərtərəfli biliklərə malik vətəndaş kimi yetişdirilməsi istiqamətində gördüyü işlər, Azərbaycanın beynəlxalq arenada tanınmasına, xalqımız haqqında obyektiv ictimai rəyin formalaşmasına təkan verən şəxsiyyətlər olmuşdur. Onların fəaliyyəti təmənnasız xeyirxahlıq və sonsuz humanizm prinsipləri üzərində qurulur. Bu cür insanlar cəmiyyətə bələdçi olur, öz əməlləri ilə gələcək nəsillərə işıqlı bir yol göstərirlər. Onların həyatı sadəcə bioqrafik məlumatlardan ibarət deyil, hər bir addımı insanlığa, vicdana və mərhəmətə bir sözlə insanlığa çağırışdır.
Azərbaycan tarixində bu cür bənzərsiz simalardan biri də, heç şübhəsiz ki, ölkəmizin Birinci xanımı, Birinci vitse-prezident Mehriban Əliyevadır. O, nəinki dövlət xadimi, həm də xeyirxahlıq və humanizm rəmzinə çevrilmiş bir şəxsiyyətdir. Heydər Əliyev Fonduna rəhbərlik etdiyi dövrdən bəri, Mehriban xanım cəmiyyətin ən həssas təbəqələrindən olan insanların yanında olmuş, onların problemlərini şəxsi problemi kimi qəbul etmişdir.
Mehriban xanım Əliyevanın dünya müstəvisinə çıxan fəaliyyət tədbirləri sırasında uşaqlara qayğı göstərməsi başlıca yer tutur. Mehriban xanım İSESKO-nun xoşməramlı səfiri kimi bu istiqamətdə müxtəlif proqramların həyata keçirilməsində birbaşa təşəbbüskar və iştirakçı kimi uğurla çıxış edir. Onun bu istiqamətdə gördüyü işlər sırasında daha çox diqqət mərkəzində dayanan məsələ xüsusi qayğıya ehtiyacı olan uşaqlara qayğıdır. O, dünyada sağlamlıq imkanı məhdud uşaqların problemlərinə həsr olunan müxtəlif tədbirlərdə, konfranslarda yaxından iştirak edir, körpələrin həyatına sevinc qatmaq üçün praktik addımlar atır.
Heydər Əliyev Fondunun təşəbbüsü ilə həyata keçirilən layihələr, müalicə olunan uşaqlar, bərpa edilən məktəblər və xəstəxanalar, mədəni irsimizin qorunması üçün atılan addımlar Mehriban xanımın Azərbaycan xalqına olan sonsuz sevgisinin və bağlılığının təcəssümüdür. O, xeyirxahlığı bir missiya kimi görür və bu missiyanı şərəflə yerinə yetirir. Bu fəaliyyətlər sadəcə bir dövlət qurumunun işi deyil, hər bir Azərbaycanlının ürəyinə toxunan səmimi bir nəciblik nümayişidir.
Mehriban Əliyevanın simasında biz müasir Azərbaycan qadınının ən gözəl xüsusiyyətlərini – güc, zəriflik, qayğıkeşlik və fədakarlıq görürük. Onun hər bir addımı, hər bir təşəbbüsü böyük bir sevgi ilə yoğrulmuşdur. O, yalnız Azərbaycanda deyil, bütün dünyada humanizm və tolerantlıq ideyalarının yayılmasına xidmət edən beynəlxalq tədbirlərin də təşəbbüskarı və iştirakçısıdır. Bu, onun fəaliyyətinin universal xarakter daşıdığının bariz nümunəsidir.
Məhz bu cür şəxsiyyətlər sayəsində cəmiyyət inkişaf edir, insanların bir-birinə olan inamı güclənir. Mehriban Əliyevanın həyatı və fəaliyyəti sübut edir ki, insanlıq və xeyirxahlıq naminə atılan hər bir addım ən böyük mirasa çevrilir. Bu miras gələcək nəsillərə ötürüləcək və onlara daha yaxşı bir dünya qurmaq üçün ilham verəcəkdir. O, öz adını tarixin şanlı salnaməsinə qızıl hərflərlə yazmışdır və bu ad hər zaman hörmət və ehtiramla anılacaqdır.
Heydər Əliyev Fondunun fəaliyyətində ən diqqətə layiq cəhət, həyata keçirilən layihələrin miqyası və keyfiyyətidir. Azərbaycanda yeni məktəblərin, xəstəxanaların tikintisi, uşaq evlərinin təmiri, tarixi və mədəni abidələrin bərpası, ehtiyacı olan insanlara yardım – bütün bunlar Fondun uğurlu fəaliyyətinin bir hissəsidir. Lakin Fondun missiyası yalnız ölkə sərhədləri ilə məhdudlaşmır. Mehriban xanım Əliyevanın rəhbərliyi ilə Azərbaycan mədəniyyətinin və irsinin dünyada tanıdılması, beynəlxalq humanitar layihələrdə iştirakı ölkəmizin beynəlxalq nüfuzunu daha da artırır.
Bəzi insanlar tarixin axarını dəyişmir, sadəcə onun parlaq səhifələrini yazır. Onların varlığı sadəcə bir mövcudluq deyil, xeyirxahlıq, qayğı və mərhəmət mənbəyidir. Bu insanlar öz simaları kimi daxilən də mehriban olurlar. Azərbaycanın Birinci xanımı, Birinci vitse-prezident Mehriban Əliyeva məhz belə bir şəxsiyyətdir. O, sadəcə siyasi lider deyil, həm də humanizm, zəriflik və gücün nadir vəhdətini özündə birləşdirən bir fenomendir. Onun hər bir fəaliyyəti, hər bir təşəbbüsü Vətənə və xalqa olan sonsuz sevginin təcəssümüdür.
Mehriban xanım Əliyevanın ictimai və siyasi fəaliyyəti çoxşaxəli və əhatəlidir. Təhsil ocaqlarının tikintisi və təmiri, müasir xəstəxanaların inşası, incəsənətə və mədəniyyətə dəstək, məişət şəraiti ağır olan ailələrə qayğı və şəhid ailələrinə diqqət – bütün bunlar sadəcə rəqəmlər deyil, yüz minlərlə insanın həyatına yeni məna verən əməli addımlardır. Fondun “Uşaq evləri və internat məktəblərinin inkişafı” proqramı sayəsində minlərlə uşağın həyatı dəyişib, onlara parlaq gələcək üçün ümid verilib.
Mehriban Əliyevanın humanizmi və qayğıkeşliyi təkcə ölkə sərhədləri ilə məhdudlaşmır. O, Azərbaycanın zəngin mədəni irsinin dünyada təbliğinə böyük töhfələr verir, beynəlxalq humanitar layihələrdə iştirak edir. Fondun təşəbbüsü ilə Strasburqdakı Notr-Dam kafedralı və Vatikandakı katakombaların bərpası kimi layihələr Azərbaycanın dünya mədəniyyətinə verdiyi dəyərin bariz nümunəsidir. Bu, sadəcə maliyyə dəstəyi deyil, mədəniyyətlərarası dialoqun inkişafına və bəşəri dəyərlərə hörmətin təcəssümüdür.
Mehriban xanımın gənclərə, tələbələrə və idmançılara olan xüsusi diqqəti, onlara daim dəstək olması, gələcəyə olan inamını əks etdirir. O, gəncliyin potensialına inanır və onların inkişafı üçün hər cür şərait yaratmağa çalışır.
Məhz bu səbəbdən o, bütün xalqın dərin hörmət və məhəbbətini qazanmışdır. Mehriban Əliyeva adı hər zaman Azərbaycanın xeyirxahlıq və humanizm rəmzi kimi cəmiyyətin mənəvi təməlini gücləndirir, gələcək nəsillər üçün bir örnək olur. Azərbaycanın Birinci xanımının təşəbbüsü ilə istifadəyə verilən yeni məktəblərin, xəstəxanaların tikintisi, uşaq evlərinin təmiri, ehtiyacı olan ailələrə dəstək – bütün bunlar rəqəmlərdən daha çox, insanların yaşamaq sevinci, xoşbəxt gələcəyə inamıdır.
Birinci xanım xeyirxah qəlbinin səsi ilə bütün qüvvəsini, zamanını təmənnasız olaraq insanların rifahı, xoşbəxt yaşamı uğrunda sərf edir.
Mehriban xanım Əliyeva müasir Azərbaycan tarixində bir çox layihələrin və ideyaların müəllifi kimi ilkə imza ataraq, Azərbaycan dövlətinin və dövlətçiliyinin inkişafında özünəməxsus dividentlər gətirməklə, ölkəmizin dünya arenasında nüfuzunun artmasında böyük rol oynamışdır!
Mehriban xanım Əliyeva öz ağlı, savadı, siyasi təcürbəsi ,eleqantlığı ilə güclü qadın obrazında bütün Avropada (Qərbdə) Şərq – Müsəlman qadının nəyə qadir olduğunu sübuta yetirərək stereotipləri aradan qaldırmış, özünün siyasi və elitar , kübar davranışını nümayiş etdirərək hər bir Azərbaycanlının və müsəlman şərqlinin qürur mənbəyinə çevrilmişdir!
Heydər Əliyev Fondunun prezidenti, YUNESKO və İSESKO-nun xoşməramlı səfiri Mehriban xanım Əliyeva Azərbaycanın gələcəyinin bu gün təhsil alan uşaqlardan, gənclərdən asılı olduğunu bildirib. Ona görə də, təhsil ölkəmizdə prioritet sahədir və onun inkişafına xüsusi diqqət ayrılır, gənc nəslin biliklərə mükəmməl yiyələnməsi üçün bütün lazımi addımlar atılır.
Fondun prezidenti Mehriban xanım Əliyeva 2005-ci ilin əvvəlində paytaxtda internat məktəbləri və uşaq evlərində olduqdan sonra “Uşaq evləri və internat məktəblərinin inkişafı proqramı”nın hazırlanıb həyata keçirilməsini məqsədəuyğun hesab etmişdir. Respublikamızdakı uşaq evləri və internat məktəblərindəki mövcud problemlərin həll olunmasına yönəldilən proqram Fondun təhsil sahəsindəki fəaliyyətinin əsas istiqamətlərindən birinə çevrilmişdir. İlkin mərhələdə aparılmış monitorinqdən sonra uşaq müəssisələrində təhsil və sosial sahədə problemlərin həllinə yönələn 4 mühüm istiqamət: texniki dəstək, təhsil, səhiyyə və ictimai fəallıq prioritet kimi müəyyənləşdirilmişdir
həmçinin, Nəsimi rayonundakı 268 nömrəli xüsusi yardımçı məktəb, 1 nömrəli körpələr evi, Nərimanov rayonundakı psixo-nevroloji uşaq evi, Nizami rayonundakı 1 nömrəli uşaq evi, Əzizbəyov rayonundakı 2 nömrəli yetim və valideyn himayəsindən məhrum olmuş uşaqlar üçün internat məktəbi, əqli və fiziki cəhətdən qüsurlu uşaqlar üçün 3 nömrəli xüsusi təhsil məktəbi, Şüvəlan qəsəbəsindəki yetim və valideyn himayəsindən məhrum uşaqlar üçün respublika yardımçı internat məktəbi, beyin iflici və poliomielit keçirmiş uşaqlar üçün 16 nömrəli internat məktəbi, Türkan qəsəbəsindəki nitqi qüsurlu uşaqlar üçün respublika xüsusi internat məktəbi, Şamaxı internat məktəbi və bir sıra digər uşaq müəssisələri yenidən qurulmuş, sanitar-gigiyenik normalara cavab verən müasir tipli yeməkxanalar, yataq otaqları, həkim və psixoloq otaqları, idman meydançaları və salonları yaradılmışdır.
Heydər Əliyev Fondunun təşəbbüsü ilə həyata keçirilən “Yeniləşən Azərbaycana yeni məktəb” proqramı tədris prosesinin günün tələbləri səviyyəsində qurulmasına imkan verən müasir məktəb binalarının inşasına istiqamətlənmişdir. Bu sahədə real vəziyyəti qiymətləndirmək üçün Fondun prezidenti Mehriban xanım Əliyevanın təşəbbüsü ilə respublikada məktəb binalarının vəziyyəti yoxlanılmışdır. “Yeniləşən Azərbaycana yeni məktəb” layihəsi çərçivəsində 2005-2007-ci illərdə 184 məktəb binası inşa olunaraq lazımi avadanlıqla təchiz edilmişdir. Proqram çərçivəsində tikilən və infrastrukturu yerli tələbata və imkana uyğunlaşdırılan məktəblər müasir avadanlıq, istilik sistemi, zəngin kitabxanalar, əyani vəsait və kompüter avadanlığı ilə təchiz olunmuşdur. “Təhsilə dəstək” layihəsi çərçivəsində hər yeni dərs ilinin əvvəlində məktəblilərə çanta və digər məktəb ləvazimatlarının verilməsi Heydər Əliyev Fondunun ənənəsidir. Fizika, biologiya, xarici dil kabinetləri, kompüter otağı, geniş idman salonu olan məktəbdə tədris üçün hər cür şərait yaradılıb. İndiyədək Fondun təşəbbüsü ilə 300-dən çox müasir tipli təhsil müəssisəsi tikilərək istifadəyə verilib..
Bu cür nəcib, savadlı, dünyagörüşlü, nümunəvi, gördüyü işlərlə yüksək səviyyəli beynəlxalq aləmdə Xeyirxahlıq paklıq simvolu olan Mehriban Əliyevanın təşəbbüskarlığı ilə gördüyü işlər hər zaman yüksək qiymətləndirib, yüksək səviyyəli titulları layiq görülüb.
“Heydər Əliyev” ordeni (Azərbaycan Respublikası), “Şərəf Legionu” ordeni (Fransa Respublikası), “Xidmətlərə görə” Böyük Komandor Xaçı ordeni (Polşa Respublikası), “Hilal-e Pakistan” ali ordeni (Pakistan İslam Respublikası), “Sreten” ordeni (Serbiya Respublikası), “Macarıstanın Xidmətlərə görə Komandor Xaçı” ordeni, UNESCO-nun “Qızıl Motsart” medalı, BMT-nin Ümumdünya Əqli Mülkiyyət Təşkilatının qızıl medalı, Krans Montana Forumunun Qızıl medalı və “Prix de la Fondation” mükafatı, Avropa Olimpiya Komitələrinin Ali Ordeni, Küveyt Dövlətinin Fəxri diplomu, Heydər Əliyev Mükafatı, Dünya Səhiyyə Təşkilatı İcraiyyə Komitəsinin mükafatı, “Qızıl ürək” beynəlxalq mükafatı, Beynəlxalq Olimpiya Akademiyasının “Olympic Excellence” xüsusi fəxri mükafatı, Türk-Alman Dostluq Federasiyasının fəxri mükafatı, Rusiya Federasiyasının İ.M.Seçenov adına Birinci Moskva Dövlət Tibb Universitetinin Fəxri professoru, Bolqarıstanın Müqəddəs Kiril və Mefodi adına Veliko Tırnovo Universitetinin fəxri doktoru adı, Rusiya Federasiyasının Prezidenti Vladimir Putinin imzaladığı fərmanla “Dostluq” ordeni ilə təltif edilib.
Onun “Təhsilə dəstək” layihəsi tək Azərbaycanda deyil, bir sıra xarici ölkələrdə də həyata keçirilir. Hətta xarici dövlətlərdə belə elmə, təhsilə diqqət göstərir. Belə ki, Fondun təşəbbüsü ilə yəhudi təhsil mərkəzi, fransız məktəbi yaradılıb. Pakistanın Müzəffərabad şəhərində qızlar üçün yeni məktəb tikdirib. Hollandiyada, Gürcüstanda, Misirdə, Rusiyada və Rumıniyada məktəblər tikilib və ya təmir edilib.
Pakistanın Müzəffərabad şəhəri Rara ərazisində zəlzələdən dağılmış qızlar məktəbinin əvəzində onlar üçün yeni tədris binasının inşası uğurlu və önəmli layihələrdəndir. Fondun təşəbbüsü ilə Gürcüstanın Dmanisi rayonunda yeni kompüter tədris mərkəzinin binası inşa edilib, Gürcüstanın Marneuli şəhərindəki 7 nömrəli Azərbaycan ümumtəhsil məktəbi, Tbilisidəki M.F.Axundzadə adına 73 nömrəli orta məktəb, Qardabanidəki 3 nömrəli Azərbaycan məktəbi və Dmanisidəki 2 nömrəli Azərbaycan beynəlxalq orta məktəbi əsaslı təmir olunub. 2010-cu ildə Rusiya Federasiyasının Ulyanovsk şəhərindəki 78 nömrəli orta ümumtəhsil məktəbinin binası yenidən qurulmuşdur. 2011-ci ildə Heydər Əliyev Fondunun təşəbbüsü ilə Gürcüstanın Bolnisi rayonunun Həsən Xocalı və Cəfərli kəndlərində yeni məktəb binaları inşa edilib.
Mehriban Əliyevanın şəxsiyyətində güclü dövlət xadiminə xas olan liderlik keyfiyyətləri ilə yanaşı, Azərbaycan qadınına xas olan zəriflik, qayğıkeşlik və həssaslıq birləşir. O, hər zaman sadə və səmimi ünsiyyət tərzi ilə insanların qəlbinə yol tapır. Onun uşaqlarla, şəhid ailələri ilə, tələbələrlə və idmançılarla olan görüşləri formal xarakter daşımır, əksinə, hər bir insana diqqət və qayğının təcəssümüdür. Mehriban xanım gənclərin potensialına inanır və onların inkişafı üçün hər cür şəraiti yaratmağa çalışır.
Mehriban Əliyevanın fəaliyyəti sübut edir ki, böyük siyasət böyük humanizmlə birgə olmalıdır. O, göstərir ki, dövlət idarəçiliyi yalnız rəsmiyyətdən ibarət deyil, həm də xalqa xidmət etmək, onun dərdlərinə şərik olmaq və onu daha xoşbəxt gələcəyə aparmaqdır. Məhz bu səbəbdən o, bütün xalqın dərin hörmətini və məhəbbətini qazanmışdır. Mehriban Əliyevanın adı Azərbaycanın yeni tarixində parlaq bir səhifədir – xeyirxahlıq, insanlıq və mərhəmət səhifəsi. Onun bu dəyərlərə sadiqliyi hər zaman gələcək nəsillərə bir örnək olacaqdır.44 günlük Vətən müharibəsində 2020-ci ilin payızı, Azərbaycanın qəhrəmanlıq dastanı olan Vətən müharibəsi başlanan zaman, bütün Azərbaycan xalqı kimi, birinci vitse-prezident, Heydər Əliyev Fondunun prezidenti Mehriban Əliyeva da Vətənə, xalqa və şəhid ailələrinə, qazilərə sonsuz diqqət və qayğı nümayiş etdirdi. Bu, sadəcə bir dövlət xadiminin vəzifə borcu deyil, həm də bir ananın, bir bacının, bir Azərbaycan qadınının qəlbindən gələn dərin mərhəmətin və sevginin təzahürü idi. Mehriban xanım Əliyeva, müharibənin ilk günlərindən etibarən, ana qayğısının ən bariz nümunəsini göstərərək, hər bir şəhid ailəsinin və qazinin yanında oldu, onların yarasına məlhəm qoydu.Müharibə dövründə Mehriban Əliyevanın rəhbərliyi ilə Heydər Əliyev Fondu, cəbhədən gələn hər bir xəbərə həssaslıqla yanaşdı. Şəhid ailələrinə, yaralılara və müharibədən zərər çəkən mülki vətəndaşlara kompleks dəstək proqramları həyata keçirildi. Bu dəstək təkcə maddi yardımla məhdudlaşmadı, eyni zamanda psixoloji və mənəvi dəstəyi də əhatə etdi. Mehriban xanım, şəhid anaları ilə görüşlərdə onlara öz səmimi rəğbətini və dəstəyini bildirdi. Bu görüşlərdə o, sadəcə bir dövlət xadimi kimi deyil, həm də bir ana kimi şəhid anasının dərdinə şərik oldu. O, bu analara öz Vətən övladları kimi baxdığını söyləyərək, onların dərdinin həm onun özünün, həm də bütün Azərbaycan xalqının dərdi olduğunu vurğuladı.Mehriban xanım Əliyevanın fəaliyyəti, müharibədə yaralanan əsgərlərimizin qayğısını da əhatə etdi. Hərbi hospitalda yatan əsgərlərimizə baş çəkərək, onların sağalması üçün hər cür şəraitin yaradılmasına nəzarət etdi. Yaralı hərbçilərin ən müasir tibbi avadanlıqlarla təmin olunması, müalicəsinin xarici ölkələrdə davam etdirilməsi üçün təşəbbüslər göstərdi. Bu, sadəcə bir humanitar addım deyil, həm də vətənpərvərliyin və Vətən oğullarına olan sonsuz minnətdarlığın əyani nümayişi idi. Heydər Əliyev Fondu və Mehriban Əliyeva şəxsən, “YAŞAT” Fondunun yaranmasında və fəaliyyətində yaxından iştirak etdilər. Bu fond vasitəsilə şəhid ailələrinə və qazilərə sistemli şəkildə dəstək davam etdirilir. Həmçinin, Vətən müharibəsi şəhidlərinin xatirəsinin əbədiləşdirilməsi üçün layihələrə də dəstək verilir. Bütün bunlar göstərir ki, Mehriban xanım, bir ana kimi, övladlarına olan qayğını heç bir zaman unutmur və onlara olan dəstəyini davamlı olaraq nümayiş etdirir.Vətən müharibəsində Mehriban Əliyevanın fəaliyyəti, yalnız dövlətçilik prinsiplərini deyil, həm də insanlığın, mərhəmətin və ana qayğısının ən ali dəyərlərini özündə birləşdirir
YENİNEWSTV24.AZ
Pəri Əmirəhməd qızı Həsənova Bakı Dövlət Universiteti Beynəlxalq Münasibətlər fakültəsi ,İqtisad elmləri doktoru, professor