Azərbaycanın müstəqil siyasəti və milli maraqlarının müdafiəsi yalnız ölkə daxilində deyil, beynəlxalq səviyyədə də ciddi təsir yaratmışdır. Ali Baş Komandan İlham Əliyevin uzaqgörən siyasəti ilə həyata keçirilən uğurlu strategiya, hərbi qələbələrdən diplomatik uğurlara qədər Azərbaycanın nüfuzunu artırmış, ölkəmizi dünya arenasında etibarlı tərəfdaş kimi təqdim etmişdir.Prezident İlham Əliyevin, eyni zamanda Ali Baş Komandan kimi, dini və mədəni abidələrə göstərdiyi diqqət və qayğı bu xəzinənin qorunması və gələcək nəsillərə ötürülməsi də beynəlxalq ölkələrin diqqətindən yayınmır
Ali Baş Komandanın tapşırığına əsasən həyata keçirilən tədbirlər milli irsin hərtərəfli bərpasına və mühafizəsinə xidmət edir. Tarixi məscidlər, məqbərələr, qədim xristian və yəhudi ibadətgahları, həmçinin memarlıq inciləri yalnız bərpa edilmir, eyni zamanda onların ətrafında mədəniyyət mərkəzləri yaradılaraq gənc nəsillərin maariflənməsi və milli kimliklərinin gücləndirilməsi təmin olunur. Bu, dövlətin yalnız maddi-mənəvi abidələri qorumaqla kifayətlənməyib, həm də xalqın tarix və mədəniyyətinə hörmət ruhunu təşviq etməsinin nümunəsidir.Dini və mədəni abidələr xalqın keçmişi ilə gələcəyi arasında canlı körpü rolunu oynayır. Hər bir abidə bir rəssam palitrası kimi müxtəlif çalarlarla doludur: qədim daşlarda miniatür oyma detalların incəliyi, fresk və mozaikalardakı rənglərin harmoniyası hamısı milli irsin canlı ifadəsidir. Ali Baş Komandanın göstərişi ilə aparılan bərpa işləri yalnız abidələrin fiziki mövcudluğunu deyil, həm də onların mənəvi və mədəni estetik ruhunu qorumağa xidmət edir.Bu siyasət həm mədəni irsin qorunmasını, həm də turizmin, elmi-tədqiqat işlərinin inkişafını təmin edir. Abidələrin bərpası və ətrafının abadlaşdırılması regional inkişafın təkanverici gücünə çevrilir. Hər bərpa layihəsi elmi araşdırmalar, tarixşünaslıq, memarlıq və bədii dizayn elementlərini birləşdirərək, abidələrin həm tarixi doğruluğunu, həm də estetik dəyərini qoruyur.
Dini abidələrə göstərilən diqqət isə yalnız maddi-mənəvi bir qayğı deyil,bu, həm də xalqın mənəvi dəyərlərinə hörmət, həmrəyliyin və tolerantlığın simvoludur. Azərbaycan çoxəsrlik multikultural ənənələri ilə seçilir və Ali Baş Komandanın bu istiqamətdəki siyasəti ölkəmizin milli həmrəyliyini gücləndirir. Məscidlər, kilsələr və sinaqoqlar yalnız ibadətgah deyil, həm də mədəniyyət və tarix dərslərinin, milli-mənəvi dəyərlərin yaşadığı məkanlardır.
Azərbaycan abidələri bu qayğı ilə daha parlaq, daha canlı və gələcəyə ümidlə baxan bir mədəniyyət işığına çevrilir.
Mədəniyyət hər bir xalqın tarixi yaddaşı, mənəvi dayağı və gələcəyə uzanan kimlik körpüsüdür. Azərbaycan xalqının çoxəsrlik mədəni irsi incəsənəti, musiqisi, rəssamlığı, memarlığı və folkloru bu torpağın ruhunu dünyaya tanıdan əsas amillərdəndir. Azərbaycan Respublikasının Prezidenti İlham Əliyev milli mədəniyyətin qorunmasını və inkişafını dövlət siyasətinin prioritet istiqamətlərindən biri kimi daim diqqət mərkəzində saxlayır. Bu yanaşma irsin mühafizəsi ilə məhdudlaşmır, eyni zamanda müasir dövrdə yaradıcı potensialın açılmasına və incəsənətin davamlı inkişafına xidmət edir.
Prezident İlham Əliyevin mədəniyyət sahəsinə münasibəti sistemli və strateji xarakter daşıyır. Dövlət başçısının rəhbərliyi ilə mədəniyyət müəssisələrinin bərpası, muzey və teatrların yenidən qurulması, tarixi abidələrin qorunması istiqamətində mühüm addımlar atılmışdır. Bu proseslər elmi əsaslara söykənərək həyata keçirilir və milli irsin yalnız saxlanılmasını deyil, həm də gələcək nəsillərə sağlam şəkildə ötürülməsini təmin edir. Mədəniyyətin maddi və qeyri-maddi nümunələri dövlət himayəsi altına alınaraq milli yaddaşın ayrılmaz hissəsinə çevrilir.
İncəsənət sahəsində, xüsusilə rəssamlıqda aparılan islahatlar diqqətəlayiqdir. Rəssamlar üçün yaradılan yaradıcılıq mühiti, sərgi salonlarının fəaliyyəti, beynəlxalq layihələrdə iştirak imkanları Azərbaycan təsviri sənətinin dünya mədəniyyət məkanına inteqrasiyasını gücləndirir. Prezident İlham Əliyevin imzaladığı sərəncamlar və qəbul etdiyi proqramlar rəssamların sosial rifahının yaxşılaşdırılmasına, onların yaradıcılıq fəaliyyətinin stimullaşdırılmasına yönəlmişdir. Bu, sənət adamına verilən dəyərin real göstəricisidir.
Prezident İlham Əliyevin yanaşmasında mədəniyyət milli təhlükəsizliyin və dövlətçilik ideologiyasının tərkib hissəsi kimi çıxış edir. Milli irsin qorunması qloballaşma şəraitində assimilyasiya risklərinə qarşı mədəni immunitet formalaşdırır. Bu baxımdan incəsənət yalnız estetik hadisə deyil, həm də sosial-mənəvi dəyər daşıyıcısıdır.
Rənglərin dili ilə danışan rəssamlar, səslə tarix yazan musiqiçilər, forma və məkanla düşünən memarlar bu böyük mədəni orkestrin üzvləridir. Prezident İlham Əliyevin diqqəti və qayğısı bu orkestrin ahəngdar səslənməsini təmin edən dirijor çubuğu kimidir.
Prezident İlham Əliyevin mədəniyyət, incəsənət və rəssamlıq sahələrinin inkişafına göstərdiyi daimi diqqət Azərbaycan mədəniyyətinin davamlı inkişaf modelini formalaşdırır. Bu model elmi əsaslara, milli dəyərlərə və bədii azadlığa söykənərək mədəni irsin qorunmasını və yaradıcı potensialın genişlənməsini təmin edir. Beləliklə, Azərbaycan mədəniyyəti tək keçmişin mirası deyil, həm də gələcəyin işıqlı yol xəritəsidir.
Rəssamlar üçün yaradılan yaradıcılıq mühiti dövlətin sənətə verdiyi dəyərin konkret təzahürüdür. Prezident İlham Əliyevin rəhbərliyi ilə həyata keçirilən mədəniyyət strategiyası incəsənətin inkişafını spontan deyil, mərhələli və sistemli şəkildə təmin edir. Yaradıcılıq evlərinin fəaliyyəti, müasir sərgi salonlarının yaradılması və mövcud mədəni infrastrukturların yenilənməsi rəssamların estetik düşüncəsini azad şəkildə ifadə etməsinə imkan yaradır. Bu mühit sənətkarın daxili dünyası ilə cəmiyyət arasında canlı və məhsuldar körpü rolunu oynayır.Bakı və regionlarda fəaliyyət göstərən sərgi salonları tək nümayiş məkanı deyil, həm də elmi-diskursiv platformaya çevrilmişdir. Burada təqdim olunan əsərlər milli irsin rənglərdə və formalarda ifadəsi olmaqla yanaşı, müasir dünya sənətinin tendensiyaları ilə dialoqa girir. Bu proses mədəni inteqrasiyanın praktik mexanizmi kimi dəyərləndirilə bilər.
Prezident İlham Əliyevin uzaqgörən siyasəti nəticəsində Azərbaycan rəssamlarının beynəlxalq layihələrdə iştirakı yeni inkişaf mərhələsi açmışdır. Biennalelər, beynəlxalq sərgilər və simpoziumlar Azərbaycan təsviri sənətinin qlobal auditoriyaya çıxışını təmin edir. Bu, tək fərdi sənət uğuru deyil, dövlətin mədəni diplomatiyasının uğurlu nəticəsidir. Milli üslubun universal bədii dillə sintezi Azərbaycan sənətini tanınan və seçilən edir.
Bədii aspektdən yanaşdıqda, bu inkişaf mərhələləri rəssamın fırçasında zamanın izinə çevrilir. Keçmişin ornamentləri müasir formalarla qovuşur, milli kolor qlobal estetika ilə ahəng tapır. Sanki Azərbaycan təsviri sənəti geniş bir səhnədə öz səsini ucaldır və bu səs Prezident İlham Əliyevin diqqət və qayğısı ilə daha inamlı, daha aydın eşidilir. Dövlətin yaratdığı imkanlar sənətkarın daxili azadlığını gücləndirir və yaradıcılığı davamlı inkişaf trayektoriyasına yönəldir.
Ali Baş komandanin uğurlu siyasəti nəticəsində Azərbaycan ordusunun şücaəti qəhrəmanlığı sayəsində əldə olunan qələbədən sonra İşğaldan azad olunmuş Azərbaycan torpaqları bu gün tək siyasi və ərazi bütövlüyümüzün rəmzi deyil, eyni zamanda milli-mənəvi dirçəlişin, mədəni yenidənqurmanın canlı məkanına çevrilir. Bu torpaqlarda aparılan bərpa və quruculuq işləri sırasında mədəniyyət mərkəzlərinin yaradılması xüsusi əhəmiyyət daşıyır. Çünki ,mədəniyyət yalnız daşdan, betondan ibarət tikililər deyil, xalqın ruhunu, yaddaşını və yaradıcılıq enerjisini yaşadan əsas qüvvədir. Rəssamlığın inkişafı isə bu dirçəliş prosesində aparıcı bədii ifadə vasitələrindən biri kimi çıxış edir.
İşğaldan azad olunmuş ərazilərdə mədəniyyət mərkəzlərinin inkişafı kompleks və strateji xarakter daşıyır. Bu mərkəzlər yalnız sərgi salonları və yaradıcılıq məkanları deyil, eyni zamanda milli kimliyin bərpası və mədəni yaddaşın yenidən formalaşdırılması funksiyasını yerinə yetirir. Uzun illər dağıntıya məruz qalmış şəhər və kəndlərdə mədəni mühitin yenidən qurulması rəssamlar üçün yeni ilham mənbələri yaradır, sənətdə tarixi həqiqətlərin bədii təcəssümünə geniş imkanlar açır.
Rəssamlıq bu torpaqlarda bərpa prosesinin vizual salnaməsinə çevrilir. Azad edilmiş məkanların təbiəti, dağıdılmış abidələrin izləri, yenidən qurulan şəhərlərin dinamikası rəssam fırçasında həm kədərli xatirə, həm də ümid dolu gələcək kimi əks olunur. Bədii baxımdan bu əsərlər milli ağrının estetik ifadəsi olmaqla yanaşı, qalibiyyət ruhunun, dirçəliş enerjisinin daşıyıcısına çevrilir. Mədəniyyət mərkəzlərində təşkil olunan sərgilər bu əsərləri cəmiyyətlə dialoqa gətirir, sənəti sosial şüurun formalaşmasında fəal iştirakçı edir.Prezident İlham Əliyevin tapşırığına əsasən yaradılan Zəfər Muzeyi yalnız bir tarixi məkan deyil,o, Azərbaycan xalqının qələbə ruhunu, milli qürurunu və bədii yaradıcılığını birləşdirən canlı sərgi məkanıdır. Muzeydə sərgilənən əsərlərin hər biri rəssamın palitrasından doğur və hər çalar bir hekayə danışır. Burada rənglər yalnız estetik element deyil, həm də tarixi və mənəvi simvollardır.
Zəfər Muzeyində rəssam palitrası qırmızıdan tutmuş qızılı tonlara, dərin mavi və yaşıl çalarlara qədər bir qəhrəmanlıq dastanının vizual dilinə çevrilmişdir. Qırmızı çalarlar igidliyi və fədakarlığı simvolizə edir,qızılı tonlar isə zəfərin və azadlığın işığını əks etdirir. Dərin mavi və yaşıl çalarlar isə sülhün, torpağın bərpasının və gələcəyə ümidin simvoludur. Rəssam hər bir fırça zərbəsində tarixi və bədii harmoniyanı birləşdirir, keçmişin izlərini gələcək üçün canlı saxlayır.
Muzeydəki əsərlər rəssam çalarlarının ritmi ilə ziyarətçini cəlb edir. Hər kompozisiya bir qələbə hekayəsini danışır, hər kölgə milli yaddaşın, azadlıq ruhunun və xalqın dirçəlişinin simvoludur. Ziyarətçi burada sadəcə baxmır, o, rənglərin və formasal ifadələrin dili ilə danışan tarixi yaşayır. Hər bir rəng və hər bir ton ziyarətçinin hisslərinə təsir edərək qələbənin enerjisini ötürür.
Bədii baxımdan, muzey rəssamların yaradıcılıq imkanlarını genişləndirən, ənənəvi sənət dili ilə müasir texnologiyanı birləşdirən unikal platformadır. Virtual sərgilər və interaktiv eksponatlar ziyarətçiyə yalnız vizual təcrübə deyil, həm də tarixi və milli irsi dərindən anlama imkanı verir. Hər bir rəssam əsəri ilə milli yaddaşı gələcək nəsillərə ötürən körpü rolunu oynayır.
Muzeyin rəng dünyası həm də gələcəyə yönəlmiş bir mesajdır. Buradakı palitra və çalarlar milli kimliyin qorunmasını təmin edir, gələcək nəsillərə qələbə ruhunu, yaradıcılıq və mədəniyyət enerjisini çatdırır. Rəssamın fırçası keçmişin izlərini yalnız xatırlatmır, həm də gələcəyin parlaq vizionunu çəkir.2040-cı ilə qədər görüləcək işlər isə Azərbaycan mədəniyyətinin keçmişlə gələcəyi birləşdirən canlı körpü rolunu daha da gücləndirəcək.
Rəssamlıq bu prosesin öncüllərindən biridir. İşğaldan azad olunmuş torpaqlarda, regional və paytaxt mərkəzlərində yaradılacaq sərgi salonları və yaradıcılıq mərkəzləri rəssamların öz yaradıcılıqlarını sərbəst ifadə etməsi üçün şərait yaradacaq. Hər bir fırça zərbəsi yalnız keçmişin izlərini təcəssüm etdirməyəcək, həm də gələcəyin vizual konturlarını çəkəcək. Rəssamlıq, tarixi fakt və xatirələrin estetik təcəssümü olmaqla yanaşı, milli kimliyin qorunması və ictimai yaddaşın bərpası prosesində mühüm rol oynayacaq.
Musiqi sahəsi də milli yaddaşın qorunmasında və gələcəyə ötürülməsində aparıcı vasitədir. 2040-cı ilə qədər planlaşdırılan konsert layihələri, musiqi festivalları və gənc istedadların inkişaf proqramları Azərbaycan musiqisinin həm klassik, həm də müasir üslublarda dünya auditoriyasına təqdim olunmasına xidmət edəcək. Hər bir nota, hər bir ritm milli ruhun səsini və tarixi yaddaşı gələcək nəsillərə çatdıracaq.
Teatr isə mədəniyyətin həm sosial, həm də estetik simvolu olaraq inkişaf etdiriləcək. Klassik və müasir səhnə əsərlərinin regionlarda və beynəlxalq platformalarda təqdimatı milli mədəniyyətin müxtəlif aspektlərini göstərməklə yanaşı, ictimai şüurun formalaşmasına və yaradıcı düşüncənin inkişafına təkan verəcək. Teatr, musiqi və rəssamlıq sahələrinin qarşılıqlı təsiri isə Azərbaycan mədəniyyətinin bütün sahələrini bir-biri ilə vəhdətdə inkişaf etdirəcək.
Bununla yanaşı, texnologiyanın mədəniyyətlə inteqrasiyası 2040-cı ilə qədər strateji prioritet kimi nəzərdə tutulub. Virtual reallıq, interaktiv sərgilər, rəqəmsal muzeylər və onlayn yaradıcılıq platformaları milli irsi qorumaqla yanaşı, gənc nəsilləri mədəniyyətə daha yaxın edəcək. Hər bir rəng, hər bir səhnə və hər bir nota həm keçmişin dəyərini əks etdirəcək, həm də gələcəyin parlaq üfüqlərini açacaq.Azərbaycan mədəniyyətinin hər bir küncü, hər bir rəngi gələcəyin parlaq konturlarını çəkərək, xalqın yaradıcılıq və mədəniyyət tarixində yeni səhifələr açacaq.
Biz buna inanırıq! Bu yolda hər zaman Ali Baş Komandan İlham Əliyevin yanındayıq. Onun uzaqgörən siyasəti yalnız bu günümüzü deyil, gələcəyimizi də formalaşdırır, milli irsimizi, mədəniyyətimizi və dövlətimizin qüdrətini möhkəmləndirir. Biz inanırıq ki, Azərbaycan yalnız regional lider deyil, həm də qlobal mədəniyyətin, diplomatiyanın və sülhün fəal iştirakçısı kimi tanınacaq.
Bu inam və etimad bizi ilhamlandırır, milli məqsədlərə doğru irəli addımlamağa ruhlandırır. Ali Baş Komandanın strategiyası, uğurlu siyasəti və milli maraqlara bağlılığı hər birimizi birləşdirir, gələcəyə inamla baxmağı təmin edir. Biz bundan sonra da onun uzaqgörən siyasətini dəstəkləyəcək, milli irsimizin, mədəniyyətimizin və dövlətimizin gücünü qoruyacaq və inkişaf etdirəcəyik.
İnamla, ilhamla və birlikdə irəli addımlayaraq Azərbaycanı daha güclü, daha parlaq və daha nüfuzlu bir gələcəyə aparacağıq. Hər bir addımımız Ali Baş Komandanın uzaqgörən siyasətinə söykənir, hər bir nailiyyətimiz isə onun liderliyinin və xalqımıza olan xidmətinin canlı təzahürüdür. Beləliklə, Azərbaycan xalqı həm tarixi irsini qoruyacaq, həm də gələcəyə inamla, ümidlə və qüdrətlə addımlayacaq.
YENİNEWSTV24.AZ
Əkbərov İlqar Azərbaycan Rəssamlar ittifaqının üzvü, Azərbaycan Milli Konservatoriyasının nəzdində Respublika İncəsənət Gimnaziyasının “Təsviri və tətbiqi sənət şöbəsinin “müəllimi
